Fylkeskommunen ønskjer å betre skysstilbodet for ungdom til og frå fritidsaktivitetar på ettermiddag og kveldstid, og har sett av 1 million kroner til lokale transporttilbod for ungdom. Årets midlar er no fordelt mellom kommunane i fylket.

Kommunar eller ungdomsråd har sendt søknad om midlar til konkrete skysstilbod til og frå særskilte fritidsaktivitetar til fylkeskommunen, mellom anna med opplysningar om kva fritidstilbod det dreier seg om, strekning, tidspunkt og kostnad. Døme på fritidsaktivitetar kan vere ungdomsklubbar, kveldsopne skitrekk, konsertar og liknande.

18 kommunar har søkt og fått innvilga midlar i år. I tillegg er det løyvd 10 000 kroner til transporttilbod i samband med Fjellfilmfestivalen på Turtagrø i september.

Slik er fordelinga av midlane:

Kommune	Kr tilskot
Askvoll	14 610
Aurland	20 000
Bremanger	70 000
Fjaler	80 000
Fjaler - transport i samband med  førestillinga til SFUNG	30 000
Flora	30 000
Flora - Nordalsfjorden grendalag	21 600
Fjellfilmfestivalen	10 000
Gaular	20 000
Gulen	50 000
Hyllestad	45 000
Høyanger	70 000
Jølster	70 000
Luster	40 000
Lærdal	41 000
Selje	65 000
Sogndal	60 000
Solund	110 000
Vik	40 000
Vågsøy	56 500
Årdal	44 550